क्यानडामा खेलिरहेका नेपाली क्रिकेटर सन्दिपकाे प्रदर्शनमा केहि सुधार

विविध खेल

Home
विविध खेल
क्यानडामा खेलिरहेका नेपाली क्रिकेटर सन्दिपकाे प्रदर्शनमा केहि सुधार

क्यानडामा खेलिरहेका नेपाली क्रिकेटर सन्दिपकाे प्रदर्शनमा केहि सुधार

खेलकुद मञ्‍च मंगलबार, असार १९, २०७५

काठमाडाैं, १९ असार- क्यानडामा जारी क्यारेबियन कपकाे अघिल्लाे खेलमा निराशाजनक प्रदर्शन गरेका नेपाली क्रिकेटर सन्दिप लामिछानेले हिजाे भएकाे खेलमा केहि सुधारिएकाे प्रदर्शन गरेका छन् । क्यानडाकाे ग्लोबल टि-२० काे तेस्रो खेलमा नेपाली युवा स्पिनर सन्दीप लामिछानेले १ विकेट हात पारेका छन् ।

ग्लोबल टि-२० मा सन्दीपले मोन्ट्रियाल टाइगर्सको तर्फबाट खेलिरहेका छन् । हिजोको खेलमा मोन्ट्रियाल टाइगर्स भान्कुभर नाइट्ससंग खेल्दा सन्दीपले उत्कृष्ट बलिङ गरेका थिए । उनले आफ्नो ४ ओभरमा १९ रन खर्चिएर १ विकेट लिए । सन्दीपले चाडविक वाल्टनको विकेट लिएका थिए ।

सन्दीपको प्रदर्शन मोन्ट्रियाललाई जितका लागि भने पर्याप्त रहेन । १ सय ६७ रनको लक्ष्य पछ्याएको मोन्ट्रियाल अन्तिम ओभरमा १ सय ४८ रनमा समेटियो । सन्दीपले ब्याटिङतर्फ ३ बलमा ७ रनको योग्दान दिएका थिए । उनको पारीमा १ छक्का पनि सामेल थियो ।

६ टोली सम्मिलित प्रतियोगितामा मोन्ट्रियाल ३ खेल खेल्दै विना कुनै अंक तालिकाकाे अन्तिम स्थानमा रहेको छ । यस अघिकाे प्रतियोगितामा वेष्ट इन्डिज ‘बि’ संग पनि सन्दीपले १ विकेट लिएका थिए तर सो खेलमा उनले ५७ रन खर्चेका थिए ।

प्रकाशित मिति: मंगलबार, असार १९, २०७५ १४:०७