काठमाडौं । इंग्लिस प्रिमियर लिग फुटबलमा लिभरपुल र आर्सनलले सहज जित निकालेका छन् । सोमबार राति भएको खेलमा लिभरपुलले एस्टन भिल्लालाई ३–१ ले र आर्सनलले वेष्ट ह्याम युनाइटेडलाई ३–१ ले पराजित गरेका हुन् ।
भिल्लाको मैदानमा भएको खेलमा लिभरपुलको लागि मोहोमद सलाह, भर्जिल भान डाइक र स्टेफेन बाजेटिकले एक/एक गोल गरे । भिल्लाका ओली वाट्किन्सले एक गोल फर्काएका थिए ।
खेलको पाँचौ मिनेटमा नै सलाहको गोलबाट लिभरपुलले १–० को अग्रता लिएको थियो । ३७ औं मिनेटमा भान डाइकले गोल गर्दै लिभरपुललाई २–० को अग्रता दिलाए । ५९ औं मिनेटमा ओली वाट्किन्सले गोल गर्दै भिल्लालाई २–१ को स्थितिमा ल्याएका थिए ।
खेलको ८१ औं मिनेटमा बाजेटिकले गोल गर्दै लिभरपुललाई ३–१ को जित दिलाए । जितपछि १५ खेलबाट २५ अंक जोड्दै लिभरपुल छैटौं स्थानमा उक्लेको छ । पराजित एस्टन भिल्ला १८ अंक जोडेर १२ औं स्थानमा रहेको छ ।
प्रिमियर लिगकै अर्को खेलमा आर्सनलले वेष्ट ह्याम युनाइटेडलाई ३–१ ले पराजित गरेको छ । आफ्नै मैदान लण्डन डर्बीमा भएको खेलमा आर्सनललाई विजयी गराउन बुकायो साका, ग्याब्रियल मार्टिनेली र इडवार्ड एन्केतियाले एक/एक गोल गरे । वेष्ट ह्यामका ज्यारेड बोवेनले सुरुआती गोल गरेपनि टोलीले अग्रता जोगाउन सकेन ।
खेलको २७ औं मिनेटमा बोवेनले गोल गर्दै वेष्ट ह्यामलाई सुरूवाती अग्रता दिलाए । ५३ औं मिनेटमा आर्सनलका लागि साकाले गोल गर्दै खेललाई १–१ गोलको बराबरीमा ल्याएका थिए । खेलको ५८ औं मिनेटमा मार्टिनेलीले गोल गर्दै आर्सनललाई २–१ को अग्रता दिलाए ।
त्यसपछि, ६९ औं मिनेटमा इडवार्डले गोल गर्दै आर्सनललाई जित दिलाए । जितसँगै शीर्ष स्थानको आर्सनलले ४० अंक जोडेको छ । पराजित वेस्ट ह्याम १६ खेलमा १४ अंक जोडेर १६ औं स्थानमा रहेको छ ।
.jpg)
प्रिमियर लिगकै अन्य खेलमा टोटनह्याम हट्सपरलाई ब्रेन्टफोर्डले २–२ गोलको बराबरीमा रोक्दा न्युकासल युनाइटेडले लेस्टर सिटीलाई ३–० ले, ब्राइटनले साउथह्याम्प्टनलाई ३–१ ले, वुल्भरह्याम्प्टन वान्डरर्सले एभर्टनलाई २–१ ले तथा फुल्हमले क्रिष्टल प्यालेसलाई ३–० ले हराएका छन् ।
प्रिमियर लिगको अंक तालिकामा १५ खेलबाट ४० अंक जोडेको आर्सनल शिर्ष स्थानमा रहँदा लिगको १६ खेलबाट ३३ अंक जोडेको न्युकासल युनाइटेड दोस्रो स्थानमा उक्लिएको छ । एक खेल कम खेलेको म्यान्चेस्टर सिटी ३२ अंकसहित तेस्रो स्थानमा झरेको छ ।
-1731995984.jpg)
