नेपाल सेमिफाइनलमा पराजित, बंगलादेश र किर्गिस्तान फाइनलमा

Team Details

Home
Team Details
नेपाल सेमिफाइनलमा पराजित, बंगलादेश र किर्गिस्तान फाइनलमा

नेपाल सेमिफाइनलमा पराजित, बंगलादेश र किर्गिस्तान फाइनलमा

खेलकुद मञ्‍च 2079-9-10

काठमाडौं । बंगलादेशमा जारी एसियन यु-२३ पुरुष अन्तराष्ट्रिय भलिबल च्याम्पियनसिपमा नेपाल सेमिफाइनलमा पराजित भएको छ । ढाकामा आइतबार भएको खेलमा आयोजक बंगलादेशले नेपाललाई ३-० को सोझो सेटमा पराजित गरेको हो ।

पहिलो सेट १५–२५ ले गुमाएको नेपालले दोस्रो सेट २२–२५ ले र अन्तिम तेस्राे सेट १३–२५ ले गुमायो । राउन्ड रोविन लिगमा पनि आयोजक बंगलादेशसँग नेपालले ३–० कै सोझो सेटमा हार बेहोरेको थियो ।

अब नेपालले तेस्रो स्थानका लागि सोमबार श्रीलंकासँग खेल्नेछ । आयोजक बंगलादेशले उपाधिका लागि सोमबारै किर्गिस्तानसँग खेल्नेछ । किर्गिस्तानले आइतबार भएको पहिलो सेमिफाइनलमा श्रीलंकालाई २९–२७, २५–२१ र २५–२० को सोझो सेटमा हराएर फाइनलमा पुगेको हो ।

च्याम्पियनसिपमा आयोजक बंगलादेशसहित नेपाल, किर्गिस्तान र श्रीलंकाको सहभागिता रहेको छ । नेपालले तीन खेलमै हार व्यहोरेको थियो । चार टोलीको सहभागिता भएकाले चारै टोलीले सेमिफाइनलमा स्थान बनाएका हुन् ।

प्रकाशित मिति: आइतबार, पुस १०, २०७९ १९:१२