प्रदेश ३ लाई हराएपछि पुलिस सेमिफाइनल नजिक

राखेप/एनओसी

Home
राखेप/एनओसी
प्रदेश ३ लाई हराएपछि पुलिस सेमिफाइनल नजिक

प्रदेश ३ लाई हराएपछि पुलिस सेमिफाइनल नजिक

खेलकुद मञ्‍च बुधबार, जेठ २३, २०७५

काठमाडाैं, – मूलपानी मैदानमा भएको खेलमा प्रदेश नम्बर–३ लाई ६ विकेटले पराजित गरेपछि नेपाल पुलिस क्लव सेमिफाइनल नजिक पुगेको छ। यो जीतसँगै पुलिसले ५ अंक जोडेको छ।

त्यस्तै, प्रदेश ५ र ७ को पनि समान ५ अंक छ। बुधबार हुने प्रदेश ५ र पुलिसबीचको खेलले सेमिफाइनल मा पुग्ने दुई टिमको टुंगो लाग्नेछ। बुधबारको खेलमा पुलिस वा प्रदेश ५ ले ठूलो अन्तरको जीत हासिल गरेको खण्डमा प्रदेश ७ को पनि सेमिफाइनल पुग्ने सम्भावना कायमै छ।

प्रदेश ७ ले समूह चरणका चारै खेल खेलिसकेको छ। वर्षाका कारण २० ओभरमा छोट्याइएको खेलमा टस जितेर पहिले ब्याटिङ गरेको प्रदेश ३ ले निर्धारित ओभरमा ९ विकेट गुमाएर १३७ रन बनायो। उसका लागि २ खेलाडीले मात्र दोहोरो अंकको रन बनाउन सके।

अदिल खानले ४५ र सोनु तामाङले ४८ रन बनाउनुबाकेह अन्य खेलाडी क्रिजमा टिक्नै सकेनन्। बलिङतर्फ पुलिसका रामनरेश गिरीले ३ तथा ललित भण्डारीले २ विकेट लिए।

१३७ रनको लक्ष्य पुलिसले इनिङको १ बल बाँकी छँदा ४ विकेटको क्षतिमा भेट्टायो। पुलिसका लागि ओपनर सुनील धमला र मध्यक्रमका ब्याट्सम्यान आरिफ शेखले उत्कृष्ट साझेदारी गर्दै टिमलाई जीत दिलाए। यी दुईले चौथो विकेटका लागि १ सय १० रनको साझेदारी गरेपछि पुलिसले जीत हासिल गरेको हो।

आरिफले ५४ बलमा २ छक्का र ४ चौकाको सहयोगमा ६० रन बनाउँदा सुनील धमलाले ४६ बलमा ३ छक्का र २ चौकाको सहयोगमा अविजित ५० रन बनाए। अन्तिम ओभरको दोस्रो बलमा आरिफ क्याटआउट भएपछि आएका पुलिसका कप्तान मञ्जित श्रेष्ठले ३ रन लिँदै जीत दिलाएका हुन्। बलिङतर्फ प्रदेश ३ का रुपेश श्रीवास्तवले २ विकेट लिए। आरिफ खेलको म्यान अफ द म्याच चुनिए।

प्रकाशित मिति: बुधबार, जेठ २३, २०७५ ००:०६