प्रधानमन्त्री कप : पुलिसको लगातार दोस्रो जित

Team Details

Home
Team Details
प्रधानमन्त्री कप : पुलिसको लगातार दोस्रो जित

प्रधानमन्त्री कप : पुलिसको लगातार दोस्रो जित

खेलकुद मञ्‍च 2079-7-14

काठमाडौं । प्रधानमन्त्री कप एकदिवसीय पुरुष क्रिकेट प्रतियोगितामा नेपाल पुलिस क्लबले लगातार दाेस्राे जित निकालेकाे छ । मूलपानी क्रिकेट मैदानमा पुलिसले प्रदेश १ लाई ७ विकेटले पराजित गरेको हो ।

सोमबार भएको खेलमा प्रदेश १ ले दिएकाे १ सय ३ रनकाे सामान्य लक्ष्य पुलिसले १४ ओभरमा ३ विकेट गुमाएर पूरा गर्यो । उसका कुशल भुर्तेलले ४२ र शंकर रानाले २९ रन बनाए । बलिङतर्फ प्रदेश १ का फिरदाेश अनसारी र सिद्धान्त लाेहनीले १/१ विकेट लिए ।

यसअघि टस जितेर पहिले ब्याटिङ गरेकाे प्रदेश १ ले ३५ ओभर १ बलमा अलआउट हुँदै १ सय २ रन बनायाे । उसका निरज मुखियाले २९ र अंकित सुवेदीले २४ रन बनाए । बलिङतर्फ पुलिसका ललित राजवंशीले ५ विकेट लिए । यस्तै सागर ढकाल र दीपेन्द्रसिंह ऐरीले २/२ विकेट लिए ।

याे जितसँगै समूह बी मा रहेकाे पुलिस २ खेलमा ४ अंक जाेड्दै शीर्ष स्थानमा छ । प्रदेश १ ले भने हारबाट प्रतियाेगिताकाे सुरुवात गरेकाे छ ।

प्रकाशित मिति: सोमबार, कात्तिक १४, २०७९ १८:१०