सन्दिप लामिछानेविरुद्ध बलात्कारको आरोप

रोचक

Home
रोचक
सन्दिप लामिछानेविरुद्ध बलात्कारको आरोप

सन्दिप लामिछानेविरुद्ध बलात्कारको आरोप

खेलकुद मञ्‍च 2079-5-22

काठमाडौं । राष्ट्रिय क्रिकेट टोलीका कप्तान सन्दिप लामिछानेविरुद्ध एक किशोरीले बलात्कारको आरोप लगाउँदै प्रहरीमा जाहेरी दिएकी छन् । लामिछानेबिरुद्ध मंगलबार प्रहरी वृत्त गौशालामा उजुरी परेको छ ।

नेपाल प्रहरीका प्रवक्ता तथा डिआइजी टेकप्रसाद राईले सन्दीपविरुद्ध जबर्जस्तीको करणीको उजुरी परेको पुष्टि गरे । उजुरीमा नाबालिगले सन्दीपसँग सामाजिक सञ्जालमार्फनत चिनजान भएको र भेट्न बोलाएर उनले आफूलाई जबरजस्ती करणी गरेको उल्लेख गरेकी छन् ।

बलात्कारको घटना पीडितकी साथीले सुरुमा बाहिर ल्याएको बुझिएको छ । उजुरीमा बालिकाले आफूलाई सन्दीपले काठमाडौं, ललितपुर र भक्तपुरका विभिन्न ठाँउसहित नगरकोटसम्म घुमाएको र राति पिंगलास्थानको होटलमा लगेर बलात्कार गरेकाे उल्लेख गरेकी छन् । ती बालिका अहिले प्रहरी र आफन्तको संरक्षणमा रहेको बताइएको छ ।

घटना केन्या जानुअघि भएको बुझिएको छ । सन्दीप भदौ ६ गते केन्या प्रस्थान गरेका थिए । सन्दीप भने हाल क्यारेबियन प्रिमियर लिग (सिपिएल) खेल्न सेन्ट लुसिया पुगेका छन् ।

प्रकाशित मिति: बुधबार, भदौ २२, २०७९ १०:०९