जुनियर प्रिमियर टेनिसमा अकी र सोन्जा च्याम्पियन

राखेप/एनओसी

Home
राखेप/एनओसी
जुनियर प्रिमियर टेनिसमा अकी र सोन्जा च्याम्पियन

जुनियर प्रिमियर टेनिसमा अकी र सोन्जा च्याम्पियन

खेलकुद मञ्‍च 2077-11-6

काठमाडौं, फागुन ६ । अकी जुवेन रावत र सोन्जा टिम टेनिस नेपाल जुनियर प्रिमियर टेनिस प्रतियोगितामा च्याम्पियन बनेका छन् । आज यु–१६ सिंगल्सको ब्वाइजमा अकी र गल्र्समा सोन्जा पहिलो भएका हुन् ।

धापाखेल टेनिस कोर्टमा भएको फाइनलमा अकीले आरभसम्राट हाडालाई ६–२, ५–७ र ७–६ (५) तथा सोन्जाले सर्वानी श्रेष्ठलाई ६–० र ६–४ को सेटमा पराजित गरे । टिम टेनिस नेपालद्वारा आयोजित प्रतियोगिताको यु–१२ ब्वाइज सिंगल्स फाइनलमा दर्शिल श्रेष्ठले श्रृजन भट्टराईलाई ६–३ र ७–६ (५) ले हराउँदै पहिलो भए ।

सोही स्पर्धाको गल्र्स फाइनलमा समृद्धि महर्जनले कर्मिस्था श्रेष्ठलाई ६–२ र ७–५ ले पन्छ्याउँदै शीर्ष स्थान कब्जा गरिन् । ब्वाइज यु–१४ मा अराभसम्राट हाडाले स्वर्ण जिते । उनले एकपक्षीय फाइनलमा सक्षम शाहमाथि ६–० र ६–० को सहज जित दर्ता गरे । स्पर्धाको गल्र्स फाइनलमा सुनिरा थापाले प्रशंसा मोक्तानलाई ७–५ र ६–२ ले निराश पार्दै पहिलो भइन् ।

ब्वाइज डबल्स फाइनलमा आरभसम्राट हाडा र अकी जुवेन रावतको जोडीले आयुशमान घले र स्लोक खड्काको जोडीलाई ६–१ र ६–० को सोझो सेटमा सहजै पाखा लगाउँदै पहिलो बने । उक्त स्पर्धाको गल्र्स फाइनलमा इशाश्री शाह र सर्वानी श्रेष्ठको जोडीले इभा अधिकारी र आइशा गुरुङको जोडीलाई ६–२ र ६–३ को नतिजामा पराजित गर्दै पहिलो स्थान हात पारे ।

प्रकाशित मिति: बिहीबार, फागुन ६, २०७७ २१:०२