पोखरा, ६ असार – अन्तर्राष्ट्रिय ओलोम्पिक दिवश मनाउने क्रममा पोखरामा महिला स्तरिय ह्याण्डबल प्रतियोगिता सम्पन्न भएको छ। सम्पन्न प्रतियोगितामा लेट्स प्ले ह्याण्डबल क्लब पोखरा विजयी भएको छ।
प्रतियोगितामा लेट्स प्ले ह्याण्डबल क्लबले बाटुलेचौर स्थित पोखरा एकेडेमीलाई ५–४ गोल अन्तरले पराजित गरेको हो। प्रतियोगितामा बिजयी टिमले नगद ३ हजार र उपबिजेताले नगद २ हजार प्राप्त गरेको छ।
बिजयी टिमका लागि शिला रेग्मी, आकृती गुरुङ, ममता लामा, सबिता बास्तोला र प्रमिला बानियाले एक एक गोल गरे भने उपबिजेता टिमका तर्फ बाट दिप्ती गुरुङ, निश्मा बस्नेत, निकिता थापा र अर्चना बस्नेतले गोल गरे।
प्रतियोगितामा पोखरा १६ स्थित अर्मला माबी अनुशासित टिम घोषित भयो भने लेट्स प्ले ह्याण्डबल क्लबकी शिला रेग्मी प्रतियोगिताभर १४ गोल गर्दै सर्बाधिक गोलकर्ता घोषित भइन।
प्रतियोगितामा पोखरा एकेडेमीकी दिप्ती गुरुङ उत्कृष्ट खेलाडी भर्इन। बिजयी टिम र खेलाडीलाई प्रदेश नं ४ की सांसद मिना गुरुङ, नेपाल ह्याण्डबल संघका अध्यक्ष तेज गुरुङ, पोलेमनपा १५ का अध्यक्ष प्रकाश पौडेल, कास्की जिल्ला ह्याण्डबल संघका अध्यक्ष क्या. जग बहादुर गुरुङ, सचिब टेक बहादुर गुरुङ र सहसचित्र दिननाथ बरालले मेडल, ट्रफी, प्रमाणपत्र र नगद प्रदान गरेका थिए।
समापन कार्यक्रम प्रतियोगिताकी संयोजक पुष्पा श्रेष्ठको अध्यक्षतामा भएको थियो। प्रतियोगितामा ५ टिमको सहभागिता रहेको थियो। आगामी आइएचएफ ट्रफीलाई लक्षित गर्दै १९ वर्ष मुनिका खेलाडीका बिच प्रतियोगिता आयोजना गरिएको थियो।