काठमाडौं, असार ३१ । ११औँ राष्ट्रपति रनिङ सिल्ड प्रतियोगिताअन्तर्गत करातेमा प्रदेश ५ को टिम च्याम्पियन बनेको छ । सोमबार प्रदेश ५ ले चार स्वर्ण, चार रजत र दुई कांस्य जितेको हो ।
राष्ट्रिय खेलकुद परिषद्को आयोजनामा भइरहेको प्रतियोगितामा तीन स्वर्ण, एक रजत र चार कांस्यका साथ प्रदेश १ दोश्रो तथा एक स्वर्ण, तीन रजत र आठ कांस्यसहित प्रदेश ४ तेश्रो भए । छात्र एकल कातामा प्रदेश ५ का आजादसिंह राना मगर, ४२ केजीमा प्रदेश १ का मोहम्मद अमन, ४७ केजीमा प्रदेश ४ का विमल थापा र ५२ केजीमा प्रदेश ५ का यमबहादुर समल पहिलो भए । छात्रा एकल कातामा प्रदेश ५ की अनिता पुन मगर, ४० केजीमा प्रदेश १ की ओसिस श्रेष्ठ, ४५ केजीमा प्रदेश ५ की अनिता पुन मगर र ५० केजीमा प्रदेश १ की प्रीति बस्नेतले स्वर्ण जिते ।
त्यस्तै, भलिबलतर्फ छात्रमा गण्डकी र सुदूरपश्चिम फाइनलमा प्रवेश गरेका छन् । प्रदेश ५ तेश्रो भयो । छात्रामा गण्डकी र प्रदेश ५ उपाधिका लागि भिड्ने छन् । सुदूरपश्चिम तेश्रो भयो ।
कबड्डीतर्फ छात्रमा प्रदेश १ पहिलो, प्रदेश ५ दोश्रो तथा सुदूरपश्चिम र गण्डकी तेश्रो भए । छात्रामा सुदूरपश्चिम पहिलो, प्रदेश ५ दोश्रो तथा गण्डकी र प्रदेश १ तेश्रो बने ।
उसुमा उसुको छान छ्वानतर्फ छात्रमा सुदूरपश्चिमका सवल पार्की र छात्रामा सुदूरपश्चिमकै अलिषा खाती, नान् छ्वानको छात्रमा प्रदेश १ का एलिस मारिक र छात्रामा सुदूरपश्चिमकी एलिषा खाती तथा थाइचीको छात्रमा सुदूरपश्चिमका विक्रम सुनारी मगर र छात्रामा सुदूरपश्चिमकी स्वस्ती दहितले स्वर्ण हात पारे ।
तेक्वान्दोको छात्र ४८ केजीमुनि सुदूरपश्चिमका भुवन सार्की तथा ५१ केजीमुनि प्रदेश १ का सिजन बुढाथोकी पहिलो भए । छात्र ४४ केजीमुनि प्रदेश ५ की दिपा पुन तथा ४६ केजीमुनि प्रदेश १ की यमुना राई पहिलो भए ।
एथलेटिक्समा थप दुई नयाँ जुनियर राष्ट्रिय कीर्तिमान बनेको छ । छात्र/छात्राको चार गुणा चार सय मिटर रिलेमा जुनियर राष्ट्रिय कीर्तिमान बनेको हो । पहिलो दिन आइतबार छात्राको सुटपुट र चार सय मिटर दौडमा जुनियर राष्ट्रिय कीर्तिमान स्थापित भएको थियो ।
छात्रको चार गुणा चार सय मिटर रिलेमा प्रदेश ५ का सिमान पाण्डे, लेखनाथ महर, बेदबहादुर ओली र श्रवन केवतले निर्धारित दूरी ३ मिनेट ३२.३ सेकेन्डमा पूरा गर्दै कीर्तिमान बनाए । यसअघि २०७० सालमा प्रदेश ५ ले बनाएको ३ मिनेट ३४.९ सेकेन्डको कीर्तिमान थियो ।
छात्राको चार गुणा चार ४ सय मिटर रिलेमा प्रदेश ५ का अरुणा रिजाल, पूर्णिमा खड्का, पूजा चौधरी र करुणा रिजालले चार मिनेट २३.८ सेकेन्डमा दौड पूरा गर्दै कीर्तिमान रचे । प्रदेश ५ कै नाममा ४ मिनेट २७.३ सेकेन्डको कीर्तिमान रहेको थियो । उक्त कीर्तिमान अघिल्लो संस्करणमा बनेको थियो ।
-1776345568.jpg)
-1774621821.jpg)
-1773742657.JPG)
-1774180213.JPG)
-1774101762.jpg)