अमेरिका र चीनमा हुने प्रतियोगिताको लागि ब्याडमिन्टन टोलीको बिदाइ

राखेप/एनओसी

Home
राखेप/एनओसी
अमेरिका र चीनमा हुने प्रतियोगिताको लागि ब्याडमिन्टन टोलीको बिदाइ

2076-03-30 अमेरिका र चीनमा हुने प्रतियोगिताको लागि ब्याडमिन्टन टोलीको बिदाइ

खेलकुद मञ्‍च सोमबार, असार ३०, २०७६

काठमाडौं, असार ३० । अमेरिका र चीनमा हुने दुई फरक अन्तर्राष्ट्रिय प्रतियोगितामा सहभागी हुने नेपाली ब्याडमिन्टन टोलीलाई आइतबार बिदाइ गरियो । दुबै टोलीलाई राष्ट्रिय खेलकुद परिषद्का सदस्य–सचिव रमेशकुमार सिलवालले एक कार्यक्रमबीच बिदाइ गरेका हुन् ।

अमेरिकाको क्यालिफोर्निमा जुलाई १७ देखि २१ तारिखसम्म हुने सिलिकन भ्याली अन्तर्राष्ट्रिय ब्याडमिन्टन सिरिजमा साजनकृष्ण ताम्राकारले प्रतिस्पर्धा गर्ने छन् । टिम व्यवस्थापकमा लवभक्त श्रेष्ठ तथा अफिसियलमा इन्द्रबहादुर कार्की रहेका छन् । टोली आज अमेरिका प्रस्थान गर्दैछ ।

चीनको सुझावमा जुलाई २० देखि २८ तारिखसम्म हुने प्रतियोगितामा चार खेलाडीसहित ६ सदस्यीय टोली सहभागी हुनेछ । खेलाडीमा पुरुषतर्फ प्रिन्स दाहाल र प्रफुल्ल महर्जन तथा महिलामा जेसिका गुरुङ र सीमा राजवंशीले नेपालको चुनौती प्रस्तुत गर्ने छन् । टिम व्यवस्थापकमा रोहित टण्डन तथा प्रशिक्षकमा मेघराज कठायत छन् । टोली जुलाई १८ तारिखमा चीन जाने कार्यक्रम छ ।

प्रकाशित मिति: सोमबार, असार ३०, २०७६ ०६:०७