स्क्वासको मिक्स टिम इभेन्टमा नेपाल हङकङसँग पराजित

अन्तर्राष्ट्रिय

Home
अन्तर्राष्ट्रिय
स्क्वासको मिक्स टिम इभेन्टमा नेपाल हङकङसँग पराजित

स्क्वासको मिक्स टिम इभेन्टमा नेपाल हङकङसँग पराजित

काठमाडौं । हानझाओमा जारी १९ औं एसियाली खेलकुद अन्तर्गत स्क्वासको मिक्स टिम इभेन्टमा नेपाल हङकङसँग पराजित भएको छ । हङकङले नेपाललाई २–० को सोझो सेटमा हरायो । नेपालका लागि अमृत थापा मगर र स्वस्थानी श्रेष्ठले प्रतिस्पर्धा गरेका थिए ।

नेपालले पहिलो सेट ११–१ र दोस्रो ११–३ को प्रदर्शन गर्‍यो । पुरुष सिंगल्सको अन्तिम ३२ मा नेपालका अमृत कुवेतका अब्दुल अलमेयेनबाट ३–० को सिधा सेटमा पराजित भए । अमृत ११–४, ११–२ र ११–५ ले चुके ।

पुरुष सिंगल्सकै अन्तिम ३२ को खेलमा नेपालका अरहान्तकेशर सिम्ह मलेसियाका मोहमद अदिनबाट ३–० ले पराजित भए । अरहान्तले ११–५, ११–३ र ११–३ को प्रदर्शन गरे ।

नेपालकी कृष्णा थापा महिला सिंगल्सको अन्तिम ३२ बाट बाहिरिएकी छिन् । अमृतकी सहोदर बहिनी कृष्ण दक्षिण कोरियाकी जियान लीविरुद्ध ११–३, ११–० र ११–३ ले पछि परिन् । महिला सिंगल्सको अन्तिम ३२ मा नेपालकी विपना ब्लोन थाइल्यान्डकी चुजित वारिट्साराबाट ११–७, ११–७ र ११–८ ले हारिन् ।

प्रकाशित मिति: सोमबार, असोज १५, २०८० ०९:०८