हक्कीको सोलिडारिटी कोर्स सम्पन्न

विविध खेल

Home
विविध खेल
हक्कीको सोलिडारिटी कोर्स सम्पन्न

हक्कीको सोलिडारिटी कोर्स सम्पन्न

खेलकुद मञ्‍च मंगलबार, भदौ ५, २०८०

काठमाडौं । नेपाल हक्की संघको आयोजना तथा एसिया हक्कीको प्राविधिक सहयोगमा साताव्यापी हक्कीको ओलम्पिक सोलिडारिटी कोर्स सम्पन्न भएको छ । उक्त कोर्स सातदोबाटोस्थित नेपाल ओलम्पिक कमिटी (एनओसी)को सभाहलमा मंगलबार सम्पन्न भएको हो ।

कोर्समा प्रशिक्षक, निर्णायक र संघका पदाधिकारी गरी कूल ३० को सहभागिता थियो । कार्यक्रममा हक्कीको प्रशिक्षक तथा निर्णायकका प्राविधिक पक्षका साथै इभेन्ट्स म्यानेजमेन्ट बारे पनि प्रशिक्षण दिइएको थियो । सहभागीलाई एसिया हक्कीका इभेन्ट म्यानेजर डेभलपमेन्ट अफिसर जाहिद अलीले प्रशिक्षण दिएका थिए ।

सहभागीलाई एनओसीका अध्यक्ष जीवनराम श्रेष्ठ, नेपाल हक्की संघका कार्यवाहक अध्यक्ष अनिलप्रसाद शर्मालगायतले एक कार्यक्रमबीच प्रमाणपत्र प्रदान गरे ।

सामापन पछि हक्की स्टिक बनाउन काठको प्रयोग गरिने भएको हुँदा त्यसको सोधभर्ना स्वरुप एनओसी हातामा वृक्षारोपण गरिएको थियो । अन्तर्राष्ट्रिय हक्की महासंघको आह्वानमा विश्वभर वृक्षारोपण गर्ने अभियानअन्तर्गत वृक्षारोपण गरिएको हक्की संघले जनाएको छ ।

प्रकाशित मिति: मंगलबार, भदौ ५, २०८० २२:३२