एशियाडमा जाने खेलाडीलाई पोषण बारे जानकारी

राखेप/एनओसी

Home
राखेप/एनओसी
एशियाडमा जाने खेलाडीलाई पोषण बारे जानकारी

एशियाडमा जाने खेलाडीलाई पोषण बारे जानकारी

खेलकुद मञ्‍च बिहीबार, असार २१, २०७५

पोखरामा बन्द प्रशिक्षणमा रहेको कराते र प्याराग्लाइडिङका खेलाडी र प्रशिक्षकलाई पोषण सम्बन्धी तालिम दिइदै

एशियाली खेलमा जान बन्द प्रशिक्षणमा रहेका खेलाडीलाई बिहिबार पोखरामा न्यूट्रियन (पोषण) सम्बन्धी जानकारी दिइएको छ।

राष्ट्रिय खेलकुद परिषद्द्वारा आयोजित उक्त कार्यक्रममा पोखरामा बन्द प्रशिक्षणमा रहेको कराते र प्याराग्लाइडिङका खेलाडी र प्रशिक्षक गरि २१ जना लगाएत स्थानिय प्रशिक्षकहरुको समेत सहभागिता रहेको थियो।

पोषण विद कृष्ण प्रसाद लम्सालले सो अबसरमा खेलमा पोषण शैलीले निकै नै प्रभाव पार्ने बताएका छन्। खेलमा पोषण शैलीले पदकको सम्भावनालाई समेत प्रभाव पार्ने हुनाले यो बास्तबिकता निति निर्माता तह सम्म बुझ्न आबश्यक रहेको बताए । खेलमा जस्तै खेलाडीले आफ्नो पोषण युक्त आहारमा समेत ध्यान पु्र्याउनु पर्ने कुरामा उनले जोड दिएका छन्।

परिषद्का उप निर्देशक बाबुराम नेपालले एशियाडका लागि तयारीमा रहेका विभिन्न खेलका १ सय ८१ जनालाई पोषण सम्बन्धी जानकारी दिइएको बताएका छन्। उनले एशियाडमा तयारीमा रहेका खेलाडीलाई यो कार्यक्रमले सहयोग पुग्ने बताए । साउन महिना देखि सबै खेलाडी वैदेशिक प्रशिक्षणमा जाने भएकोले पनि यो जानकारी प्रभावकारी हुने उनको भनाइ छ।

परिषदले विराटनगर, काठमाडौ, महेन्द्रनगर र पोखरामा गरि चार ठाउँमा उक्त प्रशिक्षण दिएको हो । यि चारै स्थानमा एशियाडमा जाने खेलाडीहरु बन्द प्रशिक्षणमा व्यस्त छन। पोखरामा कराते र प्याराग्लाइडिङका खेलाडीहरु बन्द प्रशिक्षणमा छन्।

प्रकाशित मिति: बिहीबार, असार २१, २०७५ १८:०७