चन्द्रागिरीद्वारा न्यु डायमन्ड स्पोर्ट्स क्लबलाई सहयोग

राखेप/एनओसी

Home
राखेप/एनओसी
चन्द्रागिरीद्वारा न्यु डायमन्ड स्पोर्ट्स क्लबलाई सहयोग

चन्द्रागिरीद्वारा न्यु डायमन्ड स्पोर्ट्स क्लबलाई सहयोग

खेलकुद मञ्‍च 2078-9-13

काठमाडौं । न्यु डायमन्ड स्पोर्ट्स क्लबलाई चन्द्रागिरी नगरपालिकाले करिब ४ लाख रुपैयाँ बराबरको सामाग्री प्रदान गरेको छ । क्लबका उपाध्यक्ष कुमार राईका अनुसार नगरपालिकाले व्यायम सामाग्री, मेडिकल सामाग्री, फ्रिजलगायत सामाग्री सहयोग स्वरुप प्रदान गरेको हो ।

चन्द्रागिरी नगरपालिकाका मेयर घनश्याम गिरी र उपमेयर लिशा नकर्मीले क्लबकी अध्यक्ष सुनकेशरी माली र उपाध्यक्ष राईलाई एक कार्यक्रमबीच सामाग्री हस्तान्तरण गरेका थिए । सो अवसरमार मेयर गिरीले उत्कृष्ट महिला भलिबल खेलाडी उत्पादनमा न्यु डायमन्डको योगदान प्रशंसनीय रहेको बताउँदै खेलकुदमा समर्पित एक सफल क्लबलाई सहयोग गर्न पाउदा खुशी लागेको बताएका थिए ।

उपमेयर नकर्मीले आगामी दिनमा पनि सक्दो सहयोग गर्ने प्रतिबद्धता व्यक्त गर्दै क्लब पदाधिकारीको मेहनत र राष्ट्रिय तथा अन्तर्राष्ट्रिय भलिबल प्रतियोगितामा न्यु डायमन्डका खेलाडीले गरेको प्रदर्शनको उच्च प्रशंसा गरिन् ।

क्लबकी अध्यक्ष मालीले सबैको साथ र सहयोगले नै न्यु डायमन्ड अगाडि बढेको बताउँदै सहयोगका लागि धन्यवाद दिएकी थिइन् । उपाध्यक्ष राईले प्राप्त सामाग्रीले खेलाडीको प्रशिक्षणमा ठूलो सहयोग पुग्ने बताउँदै खेलाडीको स्तरवृद्धिमा पनि सहयोग हुने बताए ।

प्रकाशित मिति: मंगलबार, पुस १३, २०७८ २०:१२