महिला राष्ट्रिय लिगमा एपीएफद्वारा आर्मी २–० ले पराजित

राखेप/एनओसी

Home
राखेप/एनओसी
महिला राष्ट्रिय लिगमा एपीएफद्वारा आर्मी २–० ले पराजित

महिला राष्ट्रिय लिगमा एपीएफद्वारा आर्मी २–० ले पराजित

खेलकुद मञ्‍च 2077-10-13

काठमाडौं, माघ १३ । महिला राष्ट्रिय लिग फुटबल अन्तर्गत विभागीय डर्बी भिडन्तमा एपीएफ क्लबले त्रिभुवन आर्मी फुटबल क्लबलाई पराजित गरेको छ । सातदोबाटोस्थित एन्फा कम्प्लेक्समा आज भएको खेलमा एपीएफले आर्मीलाई २–० ले पराजित गर्दै लिगमा लगातार तेस्रो जित हात पारेको हो ।
पहिलो खेलमा रौतहटको चन्द्रपुर नगरपालिकालाई ६–० गोलअन्तरले पराजित गरेको एपिएफले आफ्नो दोस्रो खेलमा विराटनगर महानगरपालिकालाई ७–० गोलअन्तरले पराजित गरेको थियो ।

एपीएफको लागि अञ्जली योञ्जन र सरु लिम्बुले एक एक गोल गरे । आर्मीलाई पराजित गर्ने क्रममा खेलको २७औं मिनेटमा मञ्जलीले गोल गर्दै एपीएफलाई अग्रता दिलाएकी थिइन् । सावित्रा भण्डारीले प्रहार गरेको कर्नर बललाई सदुपयोग गर्दै मञ्जलीले गोल गरेकी थिइन् ।

पहिलो हाफको अतिरिक्त समयमा सावित्राकै एसिस्टमा सरु लिम्बूले गोल गरिन् । योसँगै आर्मीविरुद्ध एपिएफले पहिलो हाफसम्म २–० गोलको अग्रता बनाएको थियो । पहिलो हाफमा दुई गोलको अग्रता बनाएको एपिएफले दोस्रो हाफमा पनि यो अग्रतालाई कायम राख्दै जित निकालेको हो । यो जितसँगै एपिएफले तीन खेलबाट १५ गोल गर्दा एक गोल पनि खाएको छैन् ।

तीन खेलबाट नेपाल पुलिस ५ अंकसहित दोस्रो स्थानमा छ । लिगमा पहिलो हार बेहोरेको आर्मी तीन खेलबाट ४ अंकसहित तेस्रो स्थानमा छ । उद्घाटन खेलमा पुलिससंग अंक बाँडेको आर्मीले दोस्रो खेलमा वालिङ नगरपालिकालाई ७–० ले पराजित गरेको थियो । लिग अन्तरगत बुधबार रौतहटको चन्द्रपुर नगरपालिका र मोरङको विराटनगर महानगरपालिकाबीच खेल हुनेछ ।

अहिलेसम्मको खेलको नतिजा

आर्मी ०–० पुलिस
एपीएफ ६–० चन्द्रपुर
वालिङ १–१ विराटनगर
पुलिस ६–० चौदण्डीगढी
आर्मी ७–० वालिङ
एपीएफ ७–० वालिङ
चन्द्रपुर ७–१ चौदण्डीगढी
पुलिस १–१ वालिङ
एपीएफ २–० आर्मी