सम्झना कप खुला अन्तर्राष्ट्रिय टेबलटेनिस हुँदै

राखेप/एनओसी

Home
राखेप/एनओसी
सम्झना कप खुला अन्तर्राष्ट्रिय टेबलटेनिस हुँदै

सम्झना कप खुला अन्तर्राष्ट्रिय टेबलटेनिस हुँदै

खेलकुद मञ्‍च 2076-10-15

काठमाडौं, माघ १५ । तेस्रो सम्झना कप खुला अन्तराष्ट्रिय टेबल टेनिस प्रतियोगिता शनिबारबाट काठमाडौंमा हुने भएको छ । मंगलबार ललितपुर टेबल टेनिस क्लबले पत्रकार सम्मेलन गरेर प्रतियोगिताको तयारी बारे जानकारी गराएको हो ।

अखिल नेपाल टेबलटेनिस संघको तत्वावधान र ललितपुर टेबलटेनिस क्लबको आयोजनामा सञ्चालन हुने प्रतियोगितामा नेपालसहित भारत, पाकिस्तान र दक्षिण कोरिया गरी कूल पाँच सय २४ खेलाडीले सहभागिता जनाउँदै छन् । आठ दिनसम्म चल्ने प्रतियोगितामा सहभागी प्रतिस्पर्धीले १४ स्वर्ण, १४ रजत र २८ कास्य पदकका लागि प्रतिस्पर्धा गर्ने ललितपुर टेबलटेनिस क्लबका अध्यक्ष उर्दिप जोशीले जानकारी दिए ।

लैनचौरस्थित राष्ट्रिय टेबलटेनिस प्रशिक्षण केन्द्रमा आयोजना हुने प्रतियोगितामा पुरुष र महिला गरी १४ स्पर्धामा प्रतिस्पर्धा हुने आयोजकले जनाएको छ । ओपन इभेन्टमा प्रथम हुनेले ६० हजार, दोस्रो हुनेले ३० हजार र तेस्रो हुनेले १० हजार रुपैयाँ प्राप्त गर्ने छन् । यस्तै भेट्रान एकलमा विजयी हुनेले १० हजार, दोस्रो हुनेले पाँच हजार र तेस्रो हुनेले दुई हजार पाँच सय रुपैयाँबाट पुरस्कृत हुने छन् । साथै, आयोजकले प्रतियोगिताको अन्तिम दिन १३औं दक्षिण एसियाली खेलकुद (साग)को टेबल टेनिसमा पदक जितेका खेलाडी, प्रशिक्षक र अफिसियललाई लाइफ टाइम अचिभमेन्ट अवार्डबाट सम्मान गर्ने समेत जनाएको छ । सम्झना ल्याब्रेटरीको मुख्य प्रायोजनमा प्रतियोगिता हुन भएको हो ।

प्रकाशित मिति: बुधबार, माघ १५, २०७६ ०८:०१

प्रतिक्रिया दिनुहोस्