१३औँ सागः पुरुष क्रिकेटमा नेपालद्वारा भुटान १४१ रनले पराजित

राखेप/एनओसी

Home
राखेप/एनओसी
१३औँ सागः पुरुष क्रिकेटमा नेपालद्वारा भुटान १४१ रनले पराजित

१३औँ सागः पुरुष क्रिकेटमा नेपालद्वारा भुटान १४१ रनले पराजित

खेलकुद मञ्‍च 2076-08-19

काठमाडौं, मंसिर १९ । १३औँ दक्षिण एसियाली खेलकुद अन्तर्गत नेपालले पहिलो जित हात पार्ने क्रममा भुटानलाई १४१ रनको विशाल अन्तरले पराजित गरेको छ । टियु मैदानमा सम्पन्न खेलमा टस हारेर पहिलो ब्याटिंग गरेको नेपालले दिएको २३७ रनको लक्ष्य पछ्याउने क्रममा भुटानले २० ओभर ब्याटिंग गरेता पनि ६ विकेट गुमाएर ९५ रन मात्र बनाउन सक्यो ।

नेपालको २३७ रन लक्ष्य पछ्याउने क्रममा भुटानको लागि रनजंग दोर्जीले सर्वाधिक २७ रन, सोनाम तोबगेले १५ रन तथा तोबदेन सिंगेले ११ रन बनाए । अन्य ब्याट्सम्यानले दोहोरो अंकमा रन बनाउन सकेनन् । नेपालको बलिङ्गमा पारस खड्काले २ विकेट तथा करन केसी, ललित राजबंशी र पवन सर्राफले १–१ विकेट लिए ।

यसअघि टस जितेर भुटानले फिल्डिंग रोजेपछि ब्याटिंग गरेको नेपालले निर्धारित २० ओभरमा ३ विकेट गुमाएर २३६ रनको योगफल तयार गरेको थियो । नेपालको ब्याटिंगमा कप्तान ज्ञानेन्द्र मल्लले सर्वाधिक १०७ रन बनाए । मल्लले ५५ बलमा ९ छक्का र ५ चौका प्रहार गरे । ओपनिंग ब्याटिंग गरेका पारस खड्काले ५७ रन बनाए जुन क्रममा २८ बलमा ९ चौका र १ छक्का प्रहार गरे । दिपेन्द्र ऐरीले अविजित ४५ रन बनाए । ऐरीले २७ बमा २ छक्का र ४ चौका प्रहार गरे । रोहित पौडेल ६ रन बनाएर आउट भए भने आरिफ शेखले अविजित ४ रन बनाए । भुटानको बलिंगमा कर्मा दोर्जीले सर्वाधिक २ विकेट लिए ।

प्रकाशित मिति: बिहीबार, मंसिर १९, २०७६ २१:१२