एमसीसीसँगको क्रिकेटमा नेपाल पराजित

राखेप/एनओसी

Home
राखेप/एनओसी
एमसीसीसँगको क्रिकेटमा नेपाल पराजित

एमसीसीसँगको क्रिकेटमा नेपाल पराजित

काठमाडौं, कात्तिक २२ । नेपाली राष्ट्रिय क्रिकेट टोली इंग्ल्यान्डको मेरिलेबोन क्रिकेट क्लब (एमसीसी)सँगको तीन दिवसिय क्रिकेटमा पराजित भएको छ । एमसिसीसँगको प्रथम श्रेणी क्रिकेट अन्तर्गत सो खेलमा नेपाल दुई सय आठ रनले पराजित भएको हो । अहिलेसम्म पाँच प्रथम श्रेणी क्रिकेटमा नेपालको यो पहिलो हार हो । यसअघिका चार खेलमा दुई खेल जितेको नेपालले दुई खेल बराबरी गरेको थियो ।

त्रिवि क्रिकेट मैदान कीर्तिपुरमा भएको खेलमा एमसिसीविरुद्ध दुवै इनिङमा नेपाली ब्याट्सम्यानहरु सम्हालिएर खेल्न सकेनन् । तेस्रो दिन तीन सय ९३ रनको लक्ष्य पछ्याएको नेपालले ४०.३ ओभरमा एक सय ८४ रन बनाउँदा सबै विकेट गुमाएको हो । एमसीसीले पहिलो इनिङमा एमसीसी ३६४ रनमा अल आउट भएको थियो । नेपाल १५३ रनमा अल आउट हुँदै २११ रनले पछि परेको थियो । दोस्रो इनिङमा एमसीसीले १८१ रनमा ६ विकेट गुमाउँदै इनिङ समाप्तीको घोषणा गरेको थियो । समग्रमा नेपाल २०८ रनले पछि पर्दै पराजित भएको हो ।

नेपालका लागि सोमपाल कामीले अर्धशतकीय पारी खेले । सोमपालले नेपालका लागि ५१ रनको महत्वपूर्ण योगदान गरे । पहिलो इनिङस्मा भने नेपालका लागि सोमपालले राम्रो प्रदर्शन गर्न सकेका थिएनन् । त्यसपछि दोस्रो इनिङस् खेलेको नेपालले मात्र रन बनाउँन सक्यो । नेपालका लागि कप्तान ज्ञानेन्द्र मल्लले ६ रन बनाउँदै आउट भए । शरद भेषवाकर १४ रन बनाउँदै नेपालका लागि दोस्रो विकेटको रुपमा आउट भए । ३१ रन बनाउँदै राजु रिजा तेस्रो विकेटको रुपमा आउट हुँदा विनोद भण्डारी र दिपेन्द्र ऐरीले रन नबनाएरनै आउट भए । नेपालका लागि पवन सरार्फले रन नबनाएर नै आउट भए । त्यसपछि नेपालको आठौं विकेटका लागि सोमपाल कामी र करण केसीले महत्वपूर्ण रनको साझेदारी गरे । दुबै जनाले ३६ रनको साझेदारी गरे । करण केसी १८ रन बनाउँदै आउट भएका थिए । त्यसपछि नेपालका सन्दीप लामिछानेले २५ रन बनाउँदै एलबीडब्लु आउट भएका थिए ।

पहिलो दिनको इनिङस्मा नेपालका लागि सन्दीप लामिछानेले सर्वाधिक ३९ रनको योगदान गरेका थिए । विनोद भण्डारीले ३६ रन बनाएर आउट भएका थिए । नेपालको अन्तिम वकेटका लागि सन्दीप र ललित नारायण राजवंशीले ४२ रनको साझेदारी गरेका थिए । त्यस्तै सोमपाल कामीले २६ रनको योगदान गरे । कप्तान ज्ञानेन्द्र मल्ल रन नबनाएर आउट भएका थिए । शरद भेषवकरले पनि नेपालका लागि धेरै रन जोड्न सकेनन् । उनी चार रनमा आउट भएका थिए । नेपालका लागि ओपनरमा आएका राजु रिजाल ८ रनमा आउट भएका थिए । दीपेन्द्र सिंह ऐरी १ रनमा आउट भएका थिए । आरिफ शेखले १० रन जोड्दै क्याच आउट भए । पवन सरार्फ र करण केसी समान दुई–दुई रनमा क्याच आउट भएका थिए ।

प्रकाशित मिति: शुक्रबार, कात्तिक २२, २०७६ १९:११