काठमाडौं, कार्तिक ८ । आगामी मंसिर १६ देखि १९ गतेसम्म नेपालमा आयोजना हुने १३औँ दक्षिण एशियाली खेललाई मध्यनजर गरी दक्षिण एशियाली खेल अन्तरगत तेक्वान्दो प्रतियोगिताको पूर्व तयारीको क्रममा नेपाली तेक्वान्दो टोली एक महिना वैदेशिक प्रशिक्षण गर्ने भएका छन् । सागमा पहिलो पटक समावेश गरिएको तेक्वान्दोको पुम्से टोली र ग्योरोगी (फाइट) ले अलग–अलग देशमा प्रशिक्षण प्रशिक्षण गर्ने भएका हुन् ।
पुम्से टोली मलेसिया र फाइट टोलीले चीनमा सागका लागि प्रशिक्षण गरी गर्दै एक महिनापछि स्वदेश फर्किने भएका छन् । पुम्से टोलीले इन्डोनेसियामा आयोजना हुने प्रतियोगितामा भाग लिएर मलेसिया जाने छन् । मलेसियामा त्यहाँको राष्ट्रिय टोलीसँग प्रशिक्षण गर्ने छन् ।
इन्टरनेसनल नेप्लिज तेक्वान्दो एसोसिएसन (आइएनटिए)ले तेक्वान्दोमा ४१ जनाको टोलीलाई ट्रयाक सुट प्रायोजन गरेको छ । संघका अध्यक्ष विधान लामा र महासचिव नारायण गुरुङले खेलाडीहरुलाई गत बुधबार ट्रयाकसुट वितरण गरेका थिए । आइएटिएले समय समयमा नेपाली खेलाडीलाई सहयोग गर्दै आएको छ । यसमा नेपालका लागि एसियाली खेलकुद, सागका पदक विजेता रहेका छन् । तेक्वान्दो टोली मंसिर ६ गते स्वदेश फर्कनेछन् ।
तेक्वान्दो टोली ग्योरोगी खेलाडीमा अप्सरा कार्की, अष्मिता खड्का, काजल श्रेष्ठ, निमा गुरुङ, निशा रावल, संगिा बस्याल नेपाली, युनिशा राई, बीबहादुर महारा, भुपेन श्रेष्ठ, गोविन्दबहादुर आले, ज्ञानेन्द्र हमाल, किरणबहादुर आले, मनोज मल्ल, निश्चलमान श्रेष्ठ, सक्षम कार्की रहेका छन् भने ग्योरोगी प्रशिक्षक योङ डाल क्वान, नवीनकुमार श्रेष्ठ, टिकाप्रसाद लिम्बु, दीपक बिष्ट, संगिना वैद्य रहेका छन् ।
त्यसैगरी, पुम्से खेलाडीमा अष्मिन राउत, स्वस्तिका तामाङ, निशा धमला, सन्जिला तिमल्सिना, शुसिला राई, आयशा शाक्य, सिना लिम्बु मादेन, पवित्रा गुरुङ, निता गुरुङ, कमल श्रेष्ठ, जितबहादुर बोट, प्रेमबहादुर लिम्बु, सञ्जिवकुमार ओझा, रेजिन रिमा, दीपेन्द्र गुरुङ, कृष्णबहादुर तामाङ, प्रसन्न क्षेत्री रहेका छन् भने पुम्से प्रशिक्षक नोर्बु लामा, हिराबहादुर थापा रहेका छन् ।
-1791863896.jpg)
-1791863369.jpg)
-1791526421.png)
-1789698769.jpg)
-1790615620.jpg)