ललितपुर डर्बीमा सातदोबाटोमाथि फ्रेन्ड्सको सानदार जित

विविध खेल

Home
विविध खेल
ललितपुर डर्बीमा सातदोबाटोमाथि फ्रेन्ड्सको सानदार जित

ललितपुर डर्बीमा सातदोबाटोमाथि फ्रेन्ड्सको सानदार जित

खेलकुद मञ्‍च 2080-2-11

काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा सातदोबाटोमाथि फ्रेन्ड्सले सानदार जित निकालेको छ । सातदोबाटोस्थित एन्फा कम्प्लेक्समा बिहीबार भएको खेलमा फ्रेन्ड्स क्लबले रोयल ब्लु सातदोबाटो युथ क्लबलाई ४-० गोल अन्तरले हराएको हो ।

ललितपुर डर्बीमा फ्रेन्ड्स क्लबको सानदार जितमा टोरिक जेब्रिनले दुई गोल तथा रफिक अमिनु र कप्तान प्रकाश बुढाथोकीले समान एक/एक गोल गरेका थिए । खेलको पहिलो मिनेटमै रफिक अमिनुले गोल गर्दै फ्रेन्ड्सलाई सुरुआती अग्रता दिलाएका थिए ।

खेलको ५५ औं मिनेटमा कप्तान प्रकाश बुढाथोकीले गोल गर्दै फ्रेन्ड्सलाई २-० को अग्रता दिलाएका थिए । ८७ औं मिनेटमा टोरिक जेब्रिनले गोल गर्दै फ्रेन्ड्सलाई ३-० को जिततर्फ अघि बढाएका थिए । त्यसपछि, खेलको ९० औं मिनेटमा जेब्रिनले व्यक्तिगत दोस्रो गोल गर्दै फ्रेन्ड्सलाई ४-० को सानदार जित दिलाएका थिए ।

फ्रेन्ड्सले पहिलो लेगमा सातदोबाटोसँग व्यहोरेको १-० को हारको बदला लिएको छ । जितसँगै फ्रेन्ड्स २१ खेलबाट ६ जित, ६ बराबरी र ९ हारका साथ २४ अंक जोडेर रेलिगेसन जोन छाडेर १२ औं स्थानमा उक्लिएको छ । पराजित सातदोबाटो २१ खेलमा ८ जित, ५ बराबरी र ८ हारका साथ २९ अंक जोडेर चौंथो स्थानमा यथावत रहेको छ ।